Microrrellatos Trabe
![](https://blogger.googleusercontent.com/img/b/R29vZ2xl/AVvXsEjdv1PFiR9a3Tc2qEIoGdD0AJ4ni1v38MpWApqzFoPeu5wBwbyAhOXkTD5VNm6QnYXabEWfDSClB4WKauAkoAjEQan0AbIZJ8Mi0dSciKsgTgsPoE-r7Co4OeyRAQq7DAyg4uM_p03eqko/s400/Microrellatos+trabe.jpg)
Ediciones Trabe abre la maratón de microrrellatos al traviés de facebook o del blogue (http://edicionestrabe.blogspot.com/). Los escritos, sobre la crisis económica qu’apodera’l mundu d’anguaño y les posibles maneres de dexala p’atrás, nun han tener más de 250 caracteres y han dir firmaos col nome y apellíos de quien escribe y acompañaos de un corréu electrónicu y un númberu de teléfonu onde porder contactar.
El plazu p’apurrir de manera telemática (en facebook o nel blogue de Trabe) los orixinales entama esta mesma tarde (27-1-2012) y va acabar a les 24:00 hores del día 29 de febreru de 2012.
Ediciones Trabe acuta’l derechu de seleccionar los relatos que más-y presten y editar con ellos un llibru comunal y plural, en formatu dixital, que va quedar colgáu na so páxina web.
Asina mesmo, Ediciones Trabe acuta’l derechu a decidir el PVP del ebook, xenerador de derechos d’autoría.
Participar na maratón quier dicir qu’hai conformidá coles bases de la mesma.
Comentarios
Publicar un comentario