miércoles, 27 de octubre de 2010

La llibrería Paraxuga gana'l I Premiu d'Escaparatismu pa Llibreríes «Visualízame» 2010


La Llibrería Paraxuga de la cai Paraísu 2 d’Uviéu foi la ganadora del Primer Premiu d’Escaparatismu pa Llibreríes «Visualízame» 2010, convocáu por Ediciones Trabe en collaboración cola Conseyería de Cultura y Turismu.

El xuráu, compuestu por M.ª Antonia Pedregal Montes, Alberto Fernández Martínez, Ovidio Parades Álvarez y Samuel Castro González, decidió por unanimidá concede-y el premiu a esta llibrería pola orixinalidá na decoración y pol procuru puestu na esbilla d’elementos decorativos y de los títulos a esponer.

Con esti premiu –que tien una dotación económica de 500 €–, Ediciones Trabe quier afalar a les llibreríes a esponer los llibros escritos n’asturianu, pa d’esa manera facelos visibles y da-y al potencial públicu llector la posibilidá de visualizalos, conocelos y tastialos.


No hay comentarios:

Publicar un comentario en la entrada