jueves, 19 de junio de 2014

Hestoria de la l.literatura primera en Pesicia


Roberto González-Quevedo
Incla interior, 110
ISBN: 978-84-8053-735-3
13 x 20 cm || 196 páxs. || PVP: 12 €

Yía esta obra una hestoria de la l.literatura primera de Pesicia, mesmo de la escrita en l.lingua pésica como en l.latín. Pero amás, yía una hestoria comentada d’esta l.literatura qu’arreciende a épica ya a resistencia. Guapa creación que constrúi tou un mundu simbólicu ya l.literariu que tenta d’esplicar el porqué d’una forma de ser, de pensar ya de sentir, ya hasta de crear, al traviés d’una l.literatura inventada pero verosímil: l.literatura na l.literatura, ficción na ficción.
Mui guapamente escrita ya estructurada (l’esquema yía siempre’l mesmu: testu l.literariu ya comentariu sobre él), esta obra vien a enanchar el mundu simbólicu de Pesicia.
Roberto González-Quevedo (Palacios del Sil, 1953), poeta ya narrador, amás de los artículos ya obras de calter académicu, tien publicaos del.los poemarios ya antoloxías poéticas (Inis Aión, 1986; L.lume de l.luz, 2002 ya Pan d'amore, 2004) ya obras narrativas (Pol sendeiru la nueite, 1981, 2002; El Sil que baxaba de la nieve, 2007; Onde viven los amigos, 2010 ya Sangre na braña, 2012).

No hay comentarios:

Publicar un comentario en la entrada