La vida de siempre
Vicente García Oliva
Incla interior, 115
ISBN: 978-84-8053-809-1
La nueche del 25 d'avientu del 1989, el mundu vio, con plasmu, en televisión la execución de Ceaucescu, presidente de la Rumanía comunista tres del trunfu de los llevantamientos populares de Bucarest y Timisoara. Daquella, Victor Hanescu yera tovía un mozu de ventinueve años, teniente nel exércitu rumanu, que nun sabía entá al llau de quién había tar un bon militar.
Con estos fechos, que cambiaron la historia de Rumanía y d'Europa, entama La vida de siempre, novela de xéneru que s'adientra peles siempre negres cais de la inmigración, la prostitución y la trata de blanques.
Vicente García Oliva (Xixón, 1944) ye autor referencia n’Asturies. Perteneciente a la primer xeneración del Surdimientu, ta consideráu’l padre de la novela xuvenil n’asturianu con Fontenebrosa: el reinu de los silentes (1984, 1992, 2011). Otres obres narratives de so son El Norte (1991), reeditáu nel añu 2010 baxo’l títulu El Norte. Cuentos 1976-2010; Elemental, querida Lisa (2007) y Fontenebrosa II: la rebelión de los homosaurios (2010). Autor, amás, de dellos ensayos, ente los que destaquen El ríu soterrañu (2003) y El síndrome de Sherezade (2011).
Comentarios
Publicar un comentario