Eternu negociu
Premiu Narraciones Trabe 2011
Incla interior, 106
ISBN: 978-84-8053-687-5
L’empresariu d’ésitu Martín Vallina, calvu, regordetu y baxu, quier casar, quier casar como tola vida de Dios, pero nun tien con quién. Machista y brutu pero bonal, encárga-y a un conocíu, sicólogu, que faiga de Celestina pa busca-y una futura muyer, que lu enverede y lu empobine pel bon camín. Ye una xera arriesgada, ye l’eternu negociu.
Con esta novela, de llingua suelta, áxil y apegada a la oralidá, ganó Xulio Arbesú’l Premiu «Narraciones Trabe» del añu 2011. De la que-y lu concedió, el xuráu destacó d’Eternu negociu «l’espléndidu trazu de los personaxes nuna historia divertida y realista».
Xulio Arbesú (L’Entregu, 1957) ye ún de los narradores de más prestixu del panorama lliterariu asturianu d’anguaño. Tien publicaes les noveles Un raposu en Tresmonte (2003), Potestas (2003) y El pisu d’enriba (2007), amás del volume Cuentos con neños (2005). Tamién ye autor de dellos ensayos en castellanu y n’asturianu: La informatización del transporte (2008), El destín treshumanu (2010) y Los deseos del dineru (2013).
Comentarios
Publicar un comentario