jueves, 2 de mayo de 2013

Homes


J. A. Marinas
IV Premiu «Alfonso Iglesias» de Cómic
ISBN: 978-84-8053-695-0
24 x 30,5 cm || 64 páxs. || PVP: 10 €

Homes, cómic de J. A. Marinas, ganador del IV Premiu Alfonso Iglesias que convoca la Conseyería d’Educación, Cultura y Deporte del Principáu d’Asturies ye una mini novela gráfica na qu’argumentu e ilustraciones anden de la mano pa ufiertanos una obra completa y muncho cinmatográfica sobre l’apaición del ser humanu nel planeta Tierra.
Javier Antonio Marinas García, dibuxante, diseñador y guionista de cómics, naz en Grau en 1967, pero al pocu tiempu treslládase a Llaranes (Avilés). Marinas estudia Maestría, Delineación y Diseñu Gráficu y trabaya profesionalmente nuna empresa de rótulos y diseñu gráficu. Historietista de formación autodidacta, el so debú como dibuxante de cómic tien llugar a finales de los años ochenta na revista Tapón. Amás, collabora en publicaciones como El Gomeru, El Llapiceru, Sauco o Orbayando. Tien dellos galardones, como l’Urriellu d’Ilustración, que, convocáu pol Principáu d’Asturies, consigue en 1991 y 1992, o’l de la Universidá Popular de Castuera (Badajoz) en 1995.
Ye autor de Ballenes (1997), una hestoria de l’Asturies costera y los sos barcos balleneros; tamién de los debuxos de la Hestoria de la monarquía Asturiana, publicada por La Nueva España d’Uviéu; lo mesmo que de la esitosa novela gráfica Domno (Ediciones Trabe, Uviéu, 2005), que tien como protagonista a Gonzalo Peláez, noble asturianu que nel sieglu xii remonta contra’l rei Alfonso VII; y de la historieta sobre l’Adelantáu de La Florida, Pedro Menéndez d’Avilés, con guión del periodista y escritor avilesín José Martínez. El cartelismu ye otra de les sos facetes, cola que gana numberosos premios n’Asturies (festivales de cartelos como’l del Descensu Folklóricu del Nalón, en La Pola Llaviana, en 1996; o La Regalina, en 2002) y n’otros llugares de la xeografía nacional (Madrid, Cáceres...).

No hay comentarios:

Publicar un comentario en la entrada