La vida increíble

Quique Faes
XXXIII Premiu de Novela «Xosefa Xovellanos»

ISBN: 978-84-8053-692-9

15 x 24 cm ||184 páxs. || PVP: 10 €

Buscavides arxentinos que resulten ser paraguayos, desconcertantes vecines embebíes énte lo exótico, amantes cacarañaes polos celos, profesores que toquen el metalófonu por patriotismu, nacionalistes ortodoxos y otros non tanto, novies qu’afuxen seducíes pol adomador d’un circu tropical: toes y toos ellos circulen de la mano peles páxines de La vida increíble, retrataos por un narrador más o menos fracasáu que quier contalo too pero nun ye quien. La imprevisible historia de tres músicos nun país d’historia épica (¿o ye cómica?) que coloniza a otru país vecín. Una novela pa llectores funambulistes que nun-y tengan mieu a aventurase pela raya –alcuando cimblante, ruina siempre– que suel separar lo solemne de lo ridículo.
Quique Faes (Xixón, 1975) ye periodista y historiador social de formación. Como autor de ficción tien publicao, siempre en Trabe, la recopilación de cuentos Asuntos menores (o non) y tres noveles (Memoria, Malena fecha de sol y de fresa y L’agobiante imperfección de les coses), pero nenguna d’elles ye tan honesta –diz– como La vida increíble, cola que ganó’l XXXIII Premiu de Novela «Xosefa Xovellanos». En castellanu, escribió una biografía’l segundu marqués de Comillas, propietariu de mines na cuenca’l Caudal (2009), y participó n’otra a propósitu’l ministru republicanu Manuel Rico Avello (2011). Autor, amás, d’una docena de lletres pal grupu Dixebra, dende 2006 trabaya como brigadista nun helicópteru d’estinción d’incendios forestales.

Mercar el llibru.