Contáronmelo pa que lo contara


Milio'l del Nido
4.ª edición
ISBN: 978-84-8053-751-3
14 x 21 cm || 136 páxs. || PVP: 10 €

Cola mestría y axilidá d’un avezáu contador de cuentos, Milio’l del Nido pasó negro sobre blanco estos cuentos nun llibru editáu per primer vez nel añu 2001. Recibíu perbién pol públicu llector algama con esta la cuarta edición.
Milio Rodríguez, Milio’l del Nido (Uviéu, 1944), persona inquieta y activa, foi fundador del grupu folclóricu Los Urogallos nel añu 1974, que más tarde habría d’axuntase col Colectivu Riscar, surdiendo d’ello l’Andecha Folklor d’Uviéu.
A mediaos de los años ochenta del sieglu pasáu entama a contar cuentos con Manolo de la Cabén, col que percuerre Asturies, España y Portugal. Gran parte d’esos cuentos conformen esti volume y el publicáu nel 2005, Y qué quies, si tengo oreyes.
Amante del deporte, tuvo muncho que ver col espolletar del Club Balonmano Ciudad Naranco d’Uviéu, del que tamién dexó por escrito la crónica de los sos años meyores (ente 1979 y 1984) nel llibru Histories del Balonmano Ciudá Naranco (2007).
Cocineru de profesión y de devoción demientres dellos años tuvo un programa gastronómicu na TPA, Recetes con cuentu, del que tamién hai una versión impresa (2008). Dende hai más d’un añu podemos velu toles selmanes presentando’l programa de deportes tradicionales La bolera, de la TPA.

Comentarios

Entradas populares